افسانچہ
خوشبو
رامیشور کامبوج ' ہمانشو

عادل رشید نئی دہلی) : ترجمہ )
دونوں بھائیوں کو پڑھانے - لکھانے میں اس کی عمر کے قیمتی سال چپ چاپ گزر گئے. تیس سال کیہو گئی شاہین اس طرح سے. دونوں بھائی کام پا کرالگ - الگ شہروں میں جا بسےاب گھر میں بوڑھی ماں ہے اور جوانی کے مراحل کو پیچھے چھوڑنے کو مجبور وہ
خوبصورت چہرے پر سلوٹیز پڑنے لگیں. کنپٹی کے پاس کچھ سفید بال بھی نظر آنے لگے تھے. آئنے میں اپنا چہرہ دیکھتے ہی شاہین کے من میں ایک ہوک سی اٹھی - 'کتنی اکیلی ہو گئی ہے میری زندگی! کس بیہڑ میں کھو گیے مٹھاس بھرے میرے خواب؟
بھائیوں کی خطوط کبھی کبھی ہی آتے ہیں اب .دونوں گھر بار میں ہی ڈوبے رہتے ہیں. اداسی کی حالت میں وہ خط و کتابت بھی بند کر چکی ہے. سوچتے سوچتے شاہین کی آنکھوں میں آنسو بھر آئے. آج اسکول جانے کا بھی من نہیں تھا. گھر میں بھی رہے تو ماں کی ہاے توبہ کہاں تک سنے؟
اس نے آنکھیں سے اشک پوچھے اور رکشے سے اتر گئی اپنے جسم کو دھکیلتے ہوئے گیٹ کی طرف بھاری من سے قدم بڑھائے. پہلی گھنٹی بج چکی تھی.اس صورت میںباجی باجی کی آواز سے اس کا دھیان اپنی جانی متوبججو کیا
" باجی ، یہ پھول میں آپ کے لئے لائی ہوں." دوسری کلاس کی ایک لڑکی ہاتھ میں گلاب کا پھول لئے اس کی طرف بڑھی
شاہین کی نظر اس کے چہرے پر گئی. وہ ہلکے ہلکے مسکرا رہی تھی. اس نے گلاب کا پھول شاہین کی طرف بڑھا دیا. شاہین نے گلاب کا پھول اس کے ہاتھ سے لے کر اس کے گال پر پیار سے ہاتھ .پھیرا
گلاب کی خوشبو اس کی روح میں سماتی جا رہی تھی.وہ خود کو اس وقت بہت ہلکا محسوس کر رہی تھی اس نے رجسٹر اٹھایا، اور حاضری لینے کے لئے گنگناتی مسکراتی ہوئی کلاس روم کی طرف تیزی سے بڑھ گئی.

رامیشور کامبوج ہمانشو