घणी बुख काहे पई हुई . जहँ वट अनाज जा कुछ दाणा हुया सोई धनी सडजण लगो. हिक पलड़े में मर्यादा, ममता, ऐं उसूल ऐं इज़्जत खणी रखु ऐं ब्ये में रोटी, त रोटीअ वारो पलडो भारी हुयो. ईँअ बुख खां परेशान हिक नौजवान नींगर अधेड़ उमिर जे धनवान वट अची करे चयो " चार रोटियूं डे, घणी बुख लगी आहे." इन्हें चई हूअ धनवान जे अगियाँ वधी आई, पर हुन बुढे बुधी अणबुधी करे छड़ी.
" चार रोटियूं डियो घणी बुख लगी आहे." हुन पहिन्जो पलू केराईंदे हुन अमीर जो हथु पकड़न जी कोशिश कई. अमीर चयो " हाण मूड कोन्हें, कलाक खां पोई अचिज, डिठो वेंदो."
छोकरी उम्मीद नाउम्मीद जे विच में लुडंदी हली वई. हुन जे वञण ते अमीर बड़बड़ाईंदे चयो " हिकु कलाक अञा बुख ते रहन्दी त बि्न रोटियुन में राज़ी थी वेंडी" पहिंजी हिन् किफ़ायत ते हुन जे चहरे जी मुस्कराहट वधी वई. |
