इन्कम टैक्स जा अधिकारी पहिंजन टिन-चइन माण्हुन सां गडु पहंजे दुकान तरफ़ ईन्दो डिसी, दुकानदार पहंजो चिश्मो ठीक कयो ऐ तकड़ो–तकड़ो गद्दीअ ताँ लही बीठो. हथ बधी उन्हन जी आजियाँ कई ऐं तिन खे विहारण लेइ कुर्सियूँ पहंजी धोतीअ जे किनारे सा साफ़ करण लगो। जेसीं हू सब कुर्सियुन ते वेठा, तेसी खाइण लाइ काजू ऐं पीअण लाइ फलन जी जूस अची वई।
खाण-पीअण खाँ पोइ अधिकारीअ पहजे मुछ ते हथ फ़ेराईंदे दुकानदार खाँ हिसाब-किताब जी कापी वरती ऐं रवायती नमूने उन्हींअ जी उथल-पुथल कंदो रहयो । हिक पन्ने ते हुन जी नज़र अटकी पई. हू हैरान ब् थ्यो ऐं मुरक्यो ब. हुन उहो पन्नो पहंजे सहकारयुन खे डे्खार्यो । से ब मुस्कराइण खाँ सवाइ न रही सघ्या, "कहड़ा-कहड़ा माण्हूँ आहिन जे टैक्स बचाइण लाइ कुते खे डि्नल रोटीअ जो खर्च ब किताबन में विझी था छडि्न?"
खुल्यल पन्ने ते खर्च वारी लाइन हिन तरह लिख्यल हुई ,"तारीख 17-2-89 कुत्ते जो खाधो पंजाह रुपया।"
ख़र्च जी लाइन पढ़ही दुकानदार ब हीं-हीं कंदो हुनन सा गडु खिलण लगो ।थोरी देर खां पोइ हू सब हली व्या। दुकानदार पहंजे हिसाब-किताब वारी कापी खोली। काजूअ खाँ वठी जूस जो सभो ख़र्च जोड़े ऐं क़िताब में हिक नईं लाइन लिखी- तारीख़ 29-8-89 कुत्तन जो खाधो-डेढ सौ रुपया।